ರಸ್ತೆ ಮೇಲೆ ಕೊರೊನಾ ಪಾಸಿಟಿವ್ ಪೇಷಂಟ್, ಪೊಲೀಸರು ತಬ್ಬಿಬ್ಬು

ಬೈಕ್ ನಲ್ಲಿ ಬಂದಿದ್ದ ಆತನನ್ನು ಪೊಲೀಸರು ತಡೆದು ವಿಚಾರಣೆ ನಡೆಸಿದ್ದಾರೆ. ಆಗ ತಾನು ಕೊರೊನಾ ರೋಗಿಯಾಗಿರುವುದಾಗಿ ತಿಳಿಸಿದ್ದಾನೆ. ಸುಳ್ಳು ಹೇಳುತ್ತಿರಬಹುದು ಎಂದು ಭಾವಿಸಿ ದಾಖಲೆಗಳನ್ನು ಕೇಳಿದ್ದಾರೆ. ಆಗ ಕೊರೊನಾ ಪಾಸಿಟಿವ್ ಬಂದಿರುವ ದಾಖಲೆಯನ್ನು ಪೊಲೀಸ್ ಸಿಬ್ಬಂದಿ ಕೈಗೆ ನೀಡಿದ್ದಾನೆ. ಪೊಲೀಸರು ಸೇರಿದಂತೆ ಎಲ್ಲರೂ ಇದರಿಂದ ಗಾಬರಿಯಾದರು. ಬಳಿಕ ರಸ್ತೆಯಲ್ಲಿ ಈ ರೀತಿ ಓಡಾಡಬೇಡ ಎಂದು ತಿಳಿಹೇಳಿ ಆತನನ್ನು ಮನೆಗೆ ಹೋಗುವಂತೆ ಸೂಚನೆ ನೀಡಿದರು. ನಂತರ ಕಂಟ್ರೋಲ್ ರೂಮಿಗೆ ಮಾಹಿತಿ ನೀಡಿದರು.