ಸುದ್ದಿ ಕಣಜ.ಕಾಂ | CITY | RAIN FALL
ಶಿವಮೊಗ್ಗ: ಹವಾಮಾನ ಇಲಾಖೆಯ ಮುನ್ಸೂಚನೆಯಂತೆ ಸುರಿಯುತ್ತಿರುವ ಧಾರಾಕಾರ ಮಳೆ ಶಿವಮೊಗ್ಗ ನಗರದ ಹಲವೆಡೆ ಅನಾಹುತ ಸೃಷ್ಟಿಸಿದೆ.
ಹೊಸಮನೆಯ ಎರಡನೇ ತಿರುವಿನಲ್ಲಿ ಮನೆಗಳಿಗೆ ನೀರು ನುಗ್ಗಿದೆ. ಚರಂಡಿಯಲ್ಲಿನ ನೀರು ಮನೆಯೊಳಗೆ ನುಗ್ಗಿವೆ. ಶಿವಮೊಗ್ಗ ಗ್ಯಾಸ್ ಹಿಂಭಾಗದ ರಸ್ತೆಗಳಲ್ಲಿರುವ ಮನೆಗಳಿಗೂ ನೀರು ನುಗ್ಗಿದೆ.
ಚರಂಡಿಯ ನೀರು ಹರಿದು ಹೋಗಲಾಗದೇ ತಗ್ಗು ಪ್ರದೇಶದಲ್ಲಿರುವ ಮನೆಗಳಿಗೆ ನುಗ್ಗಿದೆ. ಇದರಿಂದಾಗಿ, ಮನೆಯ ಸಾಮಗ್ರಿಗಳು ಹಾಳಾಗಿವೆ.
ರಸ್ತೆಗಳು ಜಲಾವೃತಗೊಂಡಿವೆ. ಮಳೆ ಇದೇ ರೀತಿ ಮುಂದುವರಿದರೆ ಇನ್ನಷ್ಟು ಅನಾಹುತಗಳಾಗುವ ಸಾಧ್ಯತೆ ಇದೆ.