3ನೇ ಅಲೆಯಲ್ಲಿ ಕೊರೊನಾಗೆ ಚೊಚ್ಚಲ ಬಲಿ, ಇದುವರೆಗೆ ಜಿಲ್ಲೆಯಲ್ಲಿ ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ ಎಷ್ಟು?

ಸುದ್ದಿ ಕಣಜ.ಕಾಂ | DISTRICT | HEALTH NEWS
ಶಿವಮೊಗ್ಗ: ಕೊರೊನಾ ಮೊದಲನೇ ಮತ್ತು ಎರಡನೇ ಅಲೆಯಲ್ಲಿ ಇದುವರೆಗೆ ಒಟ್ಟು 1,072 ಜನ ಮೃತಪಟ್ಟಿದ್ದು, ಮಂಗಳವಾರ ಮತ್ತೊಬ್ಬರನ್ನು ಕೋವಿಡ್ ಬಲಿ ಪಡೆದಿದ್ದು, ಸಾವಿನ ಸಂಖ್ಯೆಯು 1,073ಕ್ಕೆ ಏರಿಕೆಯಾಗಿದೆ. ಸೋಂಕಿನಿಂದ ಬಳಲುತಿದ್ದ ಶಿವಮೊಗ್ಗ ಮೂಲದ 60 ವರ್ಷದ ವ್ಯಕ್ತಿಯು ನಿಧನ ಹೊಂದಿದ್ದಾರೆ.

ಇಂದು 260 ಹೊಸ ಪ್ರಕರಣಗಳು ಪತ್ತೆಯಾಗಿದ್ದು, 277 ಜನ ಗುಣಮುಖರಾಗಿದ್ದಾರೆ. ಜಿಲ್ಲೆಯ ಮೆಗ್ಗಾನ್ ನಲ್ಲಿರುವ ಕೋವಿಡ್ ಆಸ್ಪತ್ರೆಯಲ್ಲಿ 55 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಡಿಸಿಎಚ್.ಸಿಯಲ್ಲಿ 30, ಖಾಸಗಿ ಆಸ್ಪತ್ರೆಯಲ್ಲಿ 40, ಮನೆ ಆರೈಕೆಯಲ್ಲಿ 1,467, ಟ್ರಿಯೇಜ್ ನಲ್ಲಿ 19 ಜನ ಸೇರಿ ಒಟ್ಟು 1,611 ಸಕ್ರಿಯ ಸೋಂಕಿತ ಪ್ರಕರಣಗಳು ಜಿಲ್ಲೆಯಲ್ಲಿವೆ.

ಶಿವಮೊಗ್ಗ ತಾಲೂಕಿನಲ್ಲೇ ಹೆಚ್ಚು ಕೇಸ್
ಶಿವಮೊಗ್ಗ ತಾಲೂಕಿನಲ್ಲಿ 131, ಭದ್ರಾವತಿಯಲ್ಲಿ 48, ತೀರ್ಥಹಳ್ಳಿಯಲ್ಲಿ 17, ಸಾಗರದಲ್ಲಿ 26, ಹೊಸನಗರದಲ್ಲಿ 5, ಸೊರಬದಲ್ಲಿ 4, ಹೊರ ಜಿಲ್ಲೆಯಲ್ಲಿ 12 ಜನರಿಗೆ ಸೋಂಕು ತಗುಲಿದೆ.

1 ವರ್ಷದಲ್ಲಿ ಶಿವಮೊಗ್ಗದಲ್ಲಿ ದಾಖಲಾದ ಬಾಲ್ಯವಿವಾಹಗಳ ಸಂಖ್ಯೆ ಎಷ್ಟು ಗೊತ್ತಾ?, ಇನ್ಮುಂದೆ ಖಾಸಗಿ ಸಂಸ್ಥೆಗಳಲ್ಲೂ ಆಂತರಿಕ ದೂರು ಸಮಿತಿ ಕಡ್ಡಾಯ