ಸುದ್ದಿ ಕಣಜ.ಕಾಂ
ಹೊಸನಗರ: ಲಗೇಜ್ ಆಟೋದಲ್ಲಿ ಗಾಂಜಾ ಸಾಗಿಸುತ್ತಿದ್ದ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿ, ಅವರಿಂದ ಭಾರಿ ಪ್ರಮಾಣದ ಗಾಂಜಾ ವಶಕ್ಕೆ ಪಡೆದಿದ್ದಾರೆ.
ಆಟೋ ಚಾಲಕ ಬಟ್ಟೆಮಲ್ಲಪ್ಪದ ಮೀನು ವ್ಯಾಪಾರಿ ಫಯಾಸ್ ಮತ್ತು ಗಾಂಜಾ ಪೂರೈಕೆ ಮಾಡಿದ ಕೇಶವಪುರದ ಸೈಯ್ಯದ್ ಫರೀದ್ ಎಂಬುವವರನ್ನು ಬಂಧಿಸಲಾಗಿದೆ.
ಕುಂದಾಪುರದ ಕಡೆಗೆ ಲಗೇಜ್ ಆಟೋದಲ್ಲಿ ಗಾಂಜಾ ಸಾಗಿಸುತ್ತಿದ್ದಾಗ ಮಾವಿನಕೊಪ್ಪ ವೃತ್ತದಲ್ಲಿ ವಾಹನವನ್ನು ಹಿಡಿದು ಪರಿಶೀಲನೆ ಮಾಡಲಾಗಿದೆ. ಆಗ ಅಂದಾಜು 30,000 ಮೌಲ್ಯದ 1 ಕೆಜಿ 50 ಗ್ರಾಂ ಗಾಂಜಾ ಲಭಿಸಿದೆ. ಆರೋಪಿಗಳು ಬಳಸಿದ್ದ ಮೊಬೈಲ್ ಫೋನ್ ಅನ್ನು ವಶಕ್ಕೆ ಪಡೆಯಲಾಗಿದ್ದು ತನಿಖೆ ನಡೆಸಲಾಗುತ್ತಿದೆ.
ತಹಸೀಲ್ದಾರ್ ವಿ.ಎಸ್.ರಾಜೀವ್, ಸಿಪಿಐ ಮಧುಸೂದನ್, ಪಿಎಸ್.ಐ ರಾಜೇಂದ್ರ ನೇತೃತ್ವದಲ್ಲಿ ಕಾರ್ಯಾಚರಣೆ ಮಾಡಲಾಗಿದೆ.
