ಸುದ್ದಿ ಕಣಜ.ಕಾಂ
ಶಿವಮೊಗ್ಗ: ನಗರದ ಬಿ.ಎಚ್.ರಸ್ತೆಯಲ್ಲಿರುವ ಯೂನಿಯನ್ ಬ್ಯಾಂಕಿನ ಎಟಿಎಂ ಒಡೆದು ಹಣ ಕಳ್ಳತನ ವಿಫಲ ಯತ್ನ ಮಾಡಲಾಗಿದೆ.
ವಿಫಲ ಹೇಗೆ | ಎಟಿಎಂ ಯಂತ್ರದ ಮುಂಭಾಗವನ್ನು ಕಳ್ಳರು ಭಾಗಶಃ ಹಾನಿ ಮಾಡಿದ್ದಾರೆ. ಆದರೆ, ಹಣ ಇರುವ ಪೆಟ್ಟಿಗೆಯನ್ನು ಒಡೆಯಲು ಸಾಧ್ಯವಾಗಿಲ್ಲ. ಹೀಗಾಗಿ, ಹಣವನ್ನು ಕಳವು ಮಾಡಲು ಸಾಧ್ಯವಾಗಿಲ್ಲ.
ಭಾನುವಾರದಂದು ಎಟಿಎಂ ಮುಚ್ಚಿದ್ದರಿಂದ ಯಾರಿಗೂ ಈ ಬಗ್ಗೆ ಅನುಮಾನ ಬಂದಿಲ್ಲ. ಶನಿವಾರ ರಾತ್ರಿಯೇ ಕೃತ್ಯ ನಡೆದಿರಬಹುದು ಎಂದು ಶಂಕೆ ವ್ಯಕ್ತಪಡಿಸಲಾಗಿದೆ. ಘಟನಾ ಸ್ಥಳಕ್ಕೆ ಬೆರಳಚ್ಚು ತಜ್ಞರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ದೊಡ್ಡಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.