ಕನ್ನಡಕ್ಕಾದ ಅವಮಾನ, ಸರಿಪಡಿಸಿಕೊಂಡ ಕೇಂದ್ರ, ‘ಪ್ರೈಡ್’ ತರೆಬೇತಿಗೆ ಸೇರಿದ ಲಿಪಿಗಳ ರಾಣಿ

ಸುದ್ದಿ ಕಣಜ.ಕಾಂ
ಬೆಂಗಳೂರು: ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದ್ದ ಹಾಗೂ ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗಿದ್ದ ‘ಪ್ರೈಡ್’ನಲ್ಲಿ ಕನ್ನಡ ಭಾಷೆ ಸೇರಿಸದೇ ಇರುವ ತಪ್ಪನ್ನು ಸರ್ಕಾರ ತಿದ್ದುಕೊಂಡಿದೆ.

https://www.suddikanaja.com/2021/02/28/the-antiquity-of-kannada-language-in-northern-kannada/

ಸಂಸದೀಯ ಸಂಶೋಧನೆ ಮತ್ತು ತರಬೇತಿ ಸಂಸ್ಥೆ(ಪ್ರೈಡ್) ಆನ್‍ಲೈನ್ ಮೂಲಕ ಭಾಷಾ ತರಬೇತಿಯಲ್ಲಿ ಕನ್ನಡವನ್ನು ಸೇರ್ಪಡೆ ಮಾಡಿದೆ. ಈ ಮೂಲಕ ಕನ್ನಡಿಗರ ಸಿಟ್ಟು ತಣ್ಣಗಾಗಿದೆ.
ಲೋಕಸಭಾ ಸಚಿವಾಲಯ ಅಡಿಯ ಪ್ರೈಡ್ ವತಿಯಿಂದ ಸಂಸದರು, ರಾಜ್ಯ, ಕೇಂದ್ರಾಡಳಿತ ಪ್ರದೇಶ, ರಾಜ್ಯದ ಶಾಸಕರು, ಅಧಿಕಾರಿಗಳು ಮತ್ತು ಅವರ ಕುಟುಂಬದ ಸದಸ್ಯರಿಗಾಗಿ ಆನ್ ಲೈನ್ ಮೂಲಕ ಆರು ಭಾಷೆಗಳನ್ನು ಆರಂಭಿಕ (ಬಿಗಿನರ್ಸ್) ಕಲಿಕಾ ಕೋರ್ಸ್ ಆಯೋಜಿಸಿದೆ.

`ಸುದ್ದಿ ಕಣಜ’ ಬಿಗ್ ಇಂಪ್ಯಾಕ್ಟ್ | ಜೂನ್ 19ರಂದು ಕನ್ನಡ ಕಡೆಗಣನೆಯ ಬಗ್ಗೆ `ಸುದ್ದಿ ಕಣಜ.ಕಾಂ’ ಎಕ್ಸ್ ಕ್ಲೂಸಿವ್ ವರದಿ ಪ್ರಕಟಿಸಿತ್ತು. ಇದಕ್ಕೆ ಸಾಕಷ್ಟು ಕನ್ನಡ ಪರ ಸಂಘಟನೆಗಳು ಮತ್ತು ಕನ್ನಡಾಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆ ಕೂಡ ವ್ಯಕ್ತವಾಗಿತ್ತು. ಅಂತಿಮವಾಗಿ ಕನ್ನಡವನ್ನು ಸೇರ್ಪಡೆ ಮಾಡಲಾಗಿದೆ.

https://www.suddikanaja.com/2021/01/18/condemn-in-social-media-for-not-using-kannada-in-raf-foundation-stone/