ಸುದ್ದಿ ಕಣಜ.ಕಾಂ | SORABA | CRIME
ಸೊರಬ: ಒಣಗಿದ ಮರವೊಂದು ರಸ್ತೆ ಮೇಲೆ ಬಿದ್ದು ನಿಯಂತ್ರಣ ತಪ್ಪಿದ ಬೈಕ್ ಸವಾರು ಮರಕ್ಕೆ ಡಿಕ್ಕಿ ಹೊಡೆದು ಗಾಯಗೊಂಡ ಘಟನೆ ಶಾಂತಗೇರಿ ಸಮೀಪ ನಡೆದಿದೆ.
ತಾಲೂಕಿನ ಯಲವಳ್ಳಿ ಗ್ರಾಮದ ಪುನೀತ್ ಗಾಯಗೊಂಡಾತ. ಕೆಲಸ ಮುಗಿಸಿಕೊಂಡು ವಾಪಸ್ ಮನೆಗೆ ಬರುವಾಗ ಸೊರಬ-ಶಿರಾಳಕೊಪ್ಪ ಮುಖ್ಯ ರಸ್ತೆಯಲ್ಲಿ ಏಕಾಏಕಿ ಮರ ರಸ್ತೆಯ ಮೇಲೆ ಬಿದ್ದಿದೆ. ಬೈಕ್ ನಿಯಂತ್ರಿಸಲಾಗದೇ ಆತ ರಸ್ತೆಯ ಮೇಲೆ ಬಿದ್ದಿದ್ದ ಮರಕ್ಕೆ ಡಿಕ್ಕಿ ಹೊಡೆದಿದ್ದಾನೆ. ತಲೆ, ಮುಖಕ್ಕೆ ಗಾಯಗಳಾಗಿವೆ.ಸ್ಥಳೀಯರು ಗಾಯಾಳು ಪುನೀತ್ ಅವರನ್ನು ಆಸ್ಪತ್ರೆಗೆ ದಾಖಲಿಸಿ, ರಸ್ತೆಯ ಮೇಲೆ ಬಿದ್ದಿದ್ದ ಮರವನ್ನು ತೆರವುಗೊಳಿಸಿದ್ದಾರೆ.